Yerli proqramçılar niyə xaricə üz tutur?

Noyabr 18, 2025

36 izlənmə

3 dəqiqə oxuma

Vergi eksperti Radil Fətullayev anews.az-a açıqlamasında, proqram təminatı sahəsində ən böyük çətinliyin vergi güzəştlərinin olmaması olduğunu bildirib.

Ekspertin sözlərinə görə, Vergi Məcəlləsinin 13.2.8-ci maddəsinin tələbləri həmin şirkətlərə şamil edilmir. Bunun nəticəsində isə onların ödəməli olduqları ƏDV məbləğləri proqram təminatçıları üçün problem yaradır və inkişafa maneə olur.

Sözü gedən maddədə - “Vergi Məcələsinin 13.2.8-ci maddəsində göstərilir ki, mal - hər hansı maddi və ya qeyri-maddi əmlak (aktiv), o cümlədən elektrik və istilik enerjisi, qaz və su sayılır.

ƏDV məqsədləri üçün qeyri-maddi aktivlər, pul vəsaiti və torpaq mal sayılmır. Proqram təminatı da qeyri-maddi aktivdir. Ona görə də həmin məhsul mal sayılmadığından digər mallar, xidmətlər kimi ƏDV-yə cəlb edilməməlidir. Buna baxmayaraq, vergi orqanları proqram təminatı şirkətlərinin ərsəyə gətirdiyi proqramları qeyri-maddi aktiv kimi deyil, xidmət kimi rəsmiləşdirərək ƏDV-yə və digər vergilərə cəlb edirlər

Təcrübədə yerli şirkətlərin daha çox xarici proqramlara üstünlük verməsinin əsas səbəbi xarici şirkətlərin daha yaxşı inkişaf etməsi, məhsullarının keyfiyyətli olması ilə bağlıdır.

Müasir dövrdə rəqəmsallaşmaya olan tələbat müəssisələrdə proqramlardan istifadəni artır. Məsələn, mühasibatlıq sahəsində daha çox Rusiya istehsalı olan 1C proqramı istifadə olunur. Halbuki, bu, çox köhnə və artıq günün tələbi ilə ayaqlaşmayan bir proqramdır. Yerli şirkətlər mühasiblərin işini daha çevik hala gətirən müasir proqramlar hazırlaya bilərlər. Ancaq bu gün vergi yükünün altında çabalayan proqram şirkətləri inkişaf edə, bazara yeni qeyri-maddi aktivlər təqdim edə bilmirlər.

Vergi Məcəlləsinin 13.2.8-ci maddəsi əslində həmin şirkətlər üçün güzəşt verib. Onun təcrübədə tətbiq olunması proqram təminatçılarının inkişafına böyük təkan ola bilər. Lakin məsələ ondan ibarətdir ki, bu cür şirkətlər proqramı istehsal edib artıq satışa çıxardıqdan sonra vergi orqanı işçiləri buna proqram təminatı kimi deyil, xidmət kimi yanaşırlar və bunu da əsas tutaraq həmin proqram təminatlarına görə ƏDV-yə cəlb etməklə bağlı kameral uyğunsuzluqlar göndərirlər. Bu gün onlarla belə proqram təminatı şirkətləri var ki, bununla bağlı çox ciddi problemlərlər üzləşiblər”.

Məqalə detallı oxumaq üçüb anews.az saytına keçid edə və ya buraya klikləyə bilərsiniz!