İATM-in Təşkilati Dəstəyi ilə İFAD2025 başa çatdı!

Noyabr 21, 2025

31 izlənmə

3 dəqiqə oxuma

İATM-in təşəbbüsü və təşkilatçılığı ilə həyata keçirilən I Beynəlxalq Maliyyə, Mühasibat, Audit və Rəqəmsallaşma Simpoziumu elmi ictimaiyyətin diqqətini cəlb edən mühüm hadisəyə çevrildi.

Simpoziumun təşkilat heyətinə rəhbərlik edən Radil Fətullayev həm elmi proqramın hazırlanmasına, həm də təşkilati işlərin idarə olunmasına nəzarət etdi. Onun rəhbərlik fəaliyyəti tədbirin strukturlaşdırılmış şəkildə həyata keçirilməsini zəmin yaratdı.

İATM komandasının bütün üzvləri simpozium prosesinə fəal şəkildə qoşuldu. Komandanın ardıcıl işi nəticəsində qeydiyyat, məruzələrin yerləşdirilməsi, qonaqların qarşılanması və texniki təminat daxil olmaqla detallara xüsusi diqqət yetirildi.

Qeydiyyat prosesindən sonra, simpoziumun iştirakçıları və rəsmi qonaqları İATM tərəfindən çap edilmiş, maliyyə, mühasibat, audit və rəqəmsallaşma sahəsinə aid olan zəngin nəşrlərlə tanış oldu.

Simpoziumun rəsmi qonaqları və təşkilatçıları - Qırğızıstan Respublikası Oş Dövlət Universitetinin İqtisadiyyat və İdarəetmə İnstitutunun direktoru, Timur İsrailov o cümlədən, Sumqayıt Dövlət Universitetinin rektoru professor Əminağa Sadıqov və Bursa Uludağ Universitetinin nümayəndəsi Hayrettin Kurt masanın üzərində nümayiş etdirilən nəşrlərə maraqla göz gəzdirərək onların məzmunu və əhəmiyyəti ilə yaxından tanış olmuşdular.

Tədbirin panel müzakirələri əsasında "İATM Training" MMC-nin direktoru, SDU-nun müəllimi Aqil Səfərov, "PANACEA Accounting and Training" MMC-nin direktoru Asif Zeynalov, İstehlak Mallarının Ekspertizası Mərkəzinin Maliyyə və təsərrüfat departa mentinin müdiri, UNEC-in doktorantı Emin Kazımov, HASBİ konsaltinq şirkətinin direktoru Fərid Nuriyev və digər dəyərli mütəxəssislərin çıxışları tədbirin elmi səviyyəsini artırdı. Hər bir məruzəçi öz tədqiqat istiqaməti üzrə geniş təqdimat edərək nəzəri və praktiki yanaşmaları bir araya gətirdi, auditoriyanın diqqətini çəkən aktual mövzulara toxundu.

İATM-in təşəbbüsü və təşkilatçılığı ilə keçirilən beynəlxalq simpozium həm elmi ictimaiyyət üçün mühüm hadisə oldu, həm də gələcək əməkdaşlıqların əsasını qoydu. Təşkilat heyətinin təşəbbüskar işi, Radil müəllimin sədrlik fəaliyyəti, mütəxəssilərin maraqlı çıxışları və nəşrlərin dəyərləndirilməsi simpoziumu yüksək səviyyəyə qaldırdı.

Simpoziumun sonunda beynəlxalq tədbirin təşkilində fəal iştirak edən inzibati heyətə xüsusi təşəkkür sertifikatları təqdim olundu və bu anı əbədiləşdirmək üçün xatirə fotosu çəkildi.

Tədbirin yüksək səviyyədə keçirilməsində rolu olan İATM kollektivinə – təşkilat heyətinə, məruzəçilərə, könüllülərə və bütün iştirakçılara dərin minnətdarlığımızı bildiririk.