İATM-in təşəbbüsü ilə I Beynəlxalq Simpozium keçirildi!

İqtisadi Araşdırmalar və Tədris Mərkəzinin (İATM-in) təşəbbüsü ilə “Maliyyə, Mühasibatlıq, Audit və Rəqəmsallaşma (MMAR)” üzrə I Beynəlxalq Simpozium keçirilmişdir.

12-13 Noyabr 2025-ci il tarixlərində İqtisadi Araşdırmalar və Tədris Mərkəzinin (İATM-in) təşəbbüsü, Sumqayıt Dövlət Universiteti, Bursa Uludağ Universiteti, Xəzər Universiteti, Azərbaycan Respublikası Auditorlar Palatası, Kiçik və Orta Biznesin İnkişafı Agentliyi (KOBİA), Azərbaycan Sahibkarlar Konfederasiyası, MÜSİAD Azərbaycan İctimai Birliyi və Türkiyə Cümhuriyyəti İctimai Nəzarət və Audit Standartları Qurumunun (KGK)  birgə təşkilatçılığı və SİNAM şirkətinin baş sposorluğu ilə “Maliyyə, Mühasibat, Audit və Rəqəmsallaşma” mövzusunda I Beynəlxalq Simpozium keçirilmişdir.

Beynəlxalq simpoziumun açılışı 12 noyabr 2025-ci ildə Sumqayıt Dövlət Universitetində olmuş, davamı isə 13 noyabr 2025-ci ildə Xəzər Universitetində baş tutmuşdur. Bu tədbir Azərbaycandan və türkdilli ölkələrdən gəlmiş 30-dan çox universitet nümayəndələrini, dövlət qurumlarının rəhbər şəxslərini, professor-müəllim heyətini eləcə də iqtisadiyyat, maliyyə və rəqəmsallaşma mütəxəssislərini özündə birləşdirir, maliyyə, mühasibatlıq, audit və vergi sahələrində aktual trendləri, rəqəmsallaşma və süni intellektin tətbiq imkanlarını müzakirə etmək, həmçinin beynəlxalq elm və təcrübə mübadiləsini genişləndirmək məqsədi daşıyırdı.

Simpoziumda Radil Fətullayev, Mehdi Babayev, Simnar Paşazadə, Abdulkərim Sadıqov, Elsevər İbadov kimi tanınmış yerli ekspertlərin, həmçinin xaricdən Bursa Uludağ Universiteti, Atatürk Universiteti, Qırğızıstan Respublikası Oş Dövlət Universiteti, Qazaxıstan Respublikası Auditorlar Palatası və KGK kimi nüfuzlu qurumlardan seçilən Zekeriyya ARI, Şükrü Dokur, Hayrettin Kurt, Fatih Bilici, Çağatan Taşkın, Murat Yünlü, Timur İsrailov və Akan Arıstan kimi nümayəndələr çıxış etdilər. 

Tədbirin I günü - Sumqayıt Dövlət Universitetində!

Tədbir Azərbaycan Respublikasının Dövlət Himninin səsləndirilməsi ilə açılmış, ardınca şəhidlərin əziz xatirəsi bir dəqiqəlik sükutla anılmışdır. Daha sonra simpoziumun plenar iclasına start verilmişdir.

Tədbirin birinci günü Sumqayıt Dövlət Universitetinin rektor vəzifəsini icra edən professor Əminağa Sadıqov və Bursa Uludağ Universitetinin prorektoru professor Zekeriyye Arı açılış nitqi ilə başlandıqdan sonra millət vəkili Tahir Mirkişili çıxış etmiş, həmçinin Türkiyə Respublikasının Azərbaycandakı Səfirliyinin Ticarət üzrə Başmüşaviri Murat Yaman, KOBİA sədr müavini Rüfət Atakişiyev, ASK-nın vitse prezidenti Vüqar Zeynalov, MÜSİAD Azərbaycan İctimai Birliyinin İdarə Heyətinin sədri Rəşad Cabirli və SİNAM şirkətinin direktoru Əbülfət Rəhmanov öz nitqi ilə tədbir iştirakçılarını salamladı və I beynəlxalq simpoziumun işinə uğurlar arzu edərək Türdilli Dövlətlərdən gələn spiker və qonaqlara təşəkkürünü bildirdilər.

İqtisadi Araşdırmalar və Tədris Mərkəzinin direktoru Radil Fətullayev tədbirin keçirilməsində dəstəyi olan bütün tərəfdaş təşkilatçılara öz minnətdarlığını bildirməklə yanaşı Türkdilli Dövlətlərdən gələn qonaqları salamladı və iştirakçılara tədbirin çox zəngin proqramının olması və 2 gün ərzində 60-ya yaxın spikerin məruzə və çıxışlarının olması barədə məlumat verdi.

Açılışın rəsmi hissəsindən sonra SDU-nun rəqs kollektivi milli rəqslərdən ibarət kompozisiya ilə çıxış etmiş, tədbirə bədii rəng qatmışdır. Ardınca universitet tələbələrindən biri tərəfindən “Çırpınırdın Qara dəniz” mahnısı ifa olunmuş, daha sonra Qarabağ mövzusunda hazırlanmış videomaterial tədbir iştirakçılarına təqdim edilmişdir.

Simpozium çərçivəsində keçirilən panel müzakirələri

12 noyabr tarixində baş verən Simpoziumda müxtəlif istiqamətləri əhatə edən altı panel təşkil olunmuşdur. Hər paneldə beynəlxalq ekspertlər, akademiklər və sahə mütəxəssisləri öz çıxışları ilə aktual məsələləri təhlil etmişdir.

I Panel: Türk dünyasında mühasibat uçotu və audit sahəsində yeni trendlər və çağırışlar | Moderator: Prof. Dr. İsmail Tatlıoğlu; Spikerlər: Emin Kazımov, Prof. Dr. Mehmet Yüce, Akan Arıstan, Dos. Dr. Timur İsrailov

II Panel: Peşəkar mühasiblərin və auditorların yetişdirilməsi üzrə dünya təcrübəsi | Moderator: Dos. Dr. Elsevər İbadov; Spikerlər: Faiq Abdullayev, Dos. Dr. Mehriban İmanova, Dos. Dr. Loğman Abdullayev, Prof. Dr. Reşat Karcıoğlu, Dos. Dr. Zerrin Fırat

III Panel: Mühasibat və audit sahəsində beynəlxalq və milli standartların tətbiqi | Moderator: Abdulkərim Sadıqov; Spikerlər: Qoşqar Əhmədov, Dos. Dr. Hayrettin Kurt, Nergiz Dursun, Dr. Şükrü Dokur     

IV Panel: Maliyyə və mühasibat uçotunda rəqəmsallaşmanın və süni intellektin tətbiqi | Moderator: Əbülfət Rəhmanov; Spikerlər: Aydan Hüseynova, Əbülfət Rəhmanov, Simnar Paşazadə, Elnur Osmanov, Mert Ergün

V Panel: MHBS və audit standartlarında edilən son dəyişikliklər və biznesdə yaranan yeni maliyyə alətləri - 1 | 

Moderator: Dos. Dr. Zerrin Fırat; Spikerlər: Elvin Həsənov, Fərid Nuriyev, Tuğba Tufan, Dr. Nebi Seren, Dr. Şükrü Dokur

VI Panel: Vergi inzibatçılığının mühüm aspektləri və mühasib peşəkarlığı | Moderator: Asif Zeynalov; Spikerlər: Aqil Səfərov, Asif Zeynalov, Rəşad Əhmədov, İsmayıl Bağırov

Simpozium öz işini bir neçə bölmə üzrə davam etdirib. Bölmələrdə “Türk dünyasında mühasibat uçotu və audit sahəsində yeni trendlər və çağırışlar”, “Peşəkar mühasiblərin və auditorların yetişdirilməsi üzrə dünya təcrübəsi”, “Mühasibat və audit sahəsində beynəlxalq və milli standartların tətbiqi”, “Mühasibatlıq və auditdə rəqəmsallaşma və süni intellektin tətbiqi: yerli və beynəlxalq proqramların müqayisəsi”, “MHBS və audit standartlarında son dəyişikliklər və biznesdə yeni maliyyə alətləri”, həmçinin “Vergi qanunvericiliyində 2025-ci ildə edilmiş dəyişikliklərin tətbiqi və 2026-cı ildə gözlənilən yeniliklər” mövzuları müzakirə olunub.

Panel müzakirələrinin yekununda bütün spikerlər və moderatorlara sertifikatlar təqdim edilmiş, daha sonra tədbirin tərəfdaşlarından olan “İlğım” şirkəti tərəfindən xüsusi hədiyyələr təqdim olunmuşdu

Tədbirin II günü- Xəzər Universitetində!

Tədbirin ikinci günü Xəzər Universitetində davam etdirilmiş və burada elmi müzakirələr yeni istiqamətlər üzrə genişləndirilmişdir.

Simpoziuma Azərbaycan, Türkiyə, Qazaxıstan, Özbəkistan, Qırğızıstan və Şimali Makedoniya daxil olmaqla altı ölkənin dövlət və elm nümayəndələri həm canlı, həm də onlayn formatda qatılıb.

Tədbir Azərbaycan Respublikasının Dövlət Himninin səsləndirilməsi ilə açılmış, ardınca şəhidlərin əziz xatirəsi bir dəqiqəlik sükutla anılmışdır. Daha sonra simpoziumun plenar iclasına start verilmişdir.

13 Noyabr 2025-ci ildə simpoziumun 2-ci günündə İATM-in direktoru Radil Fətullayev Xəzər Universitetinin rektoru Raziyə İsayeva, millət vəkili Ceyhun Məmmədov, ASK vitse prezidenti Vüqar Zeynalov, MÜSİAD Azərbaycanın elm və təhsil komissiyasının sədri Elvin Əliyevlə birgə salamlama nitqi söyləmişdir.

Radil Fətullayev İATM-in fəaliyyəti haqqında qısa məlumat verdikdən sonra bu simpoziumun əsas məqsədinin Türkdilli Dövlətlərin mühasib və auditorlarının birliyinin formalaşdırılması olduğunu bildirdi. O, həmçinin növbəti ildə II beynəlxalq simpoziumun Qırğızıstan Respublikasında keçiriləcəyini və bu tədbirin Türkdilli dövlətlərin alimlərinin davamlı olaraq bir araya gətirilməsi və onlar arasında beynəlxalq təcrübələrin bölüşməsi və şəbəkələşməsi üçün gözəl imkan olmasını vurğuladı və simpoziumun işinə uğurlar arzuladı.

Simpoziumun plenar iclasında AR Auditorlar Palatasının icraçı direktoru Səbuhi Gülməmmədov, KGK-nın 2-ci sədri Hayrettin Kurt, baş sposor SİNAM şirkətinin direktoru Əbülfət Rəhmanov də çıxış ediblər. Natiqlər beynəlxalq simpoziumun Türkdilli dövlətlərin mühasib və audorlarının birləşdirəcəyinə və onlar arasında bilik və təcrübə mübadiləsinə səbəb olacağına və gələcəkdə hər il keçirilməklə davamlı olacağına əminliklərini vurğulayıblar.

Tədbirdə KGK sədr müavini Murat Yünlü və şöbə müdiri Mehmet Şirin Türkiyədə mühasibat uçotunun beynəlxalq standartlara uyğunlaşdırılması təcrübəsini təqdim edib, TÜRMOB üzvü Ali Nazım Tekelioğlu isə sərbəst mühasib və auditorların Türkiyədəki təşkilatlanma təcrübəsi ilə bölüşüb.

Simpozium çərçivəsində keçirilən panel müzakirələri

13 noyabr tarixində baş verən Simpoziumda müxtəlif istiqamətləri əhatə edən altı panel təşkil olunmuşdur. Hər paneldə beynəlxalq ekspertlər, akademiklər və sahə mütəxəssisləri öz çıxışları ilə aktual məsələləri təhlil etmişdir.

I Panel: Mühasibat uçotu və audit üzrə beynəlxalq standartların tətbiqi ilə bağlı türk dünyasında baş verən yeniliklər və çağırışlar | Moderator: Prof. Dr. Mehmet Yüce; Spikerlər: Abdulkərim Sadıqov, Nəcəf Talıbov, Murat Yünlü, Mehmet Şirin, Ali Nazım Tekelioğlu, Dos. Dr. Nurullah Feyzullayev

II Panel: Mühasibatlıq və auditdə rəqəmsallaşmanın və süni intellektin tətbiqi: Yerli və beynəlxalq proqramların qarşılaşdırılması | Moderator: Fərid Kazımov; Spikerlər: Fərid Kazımov, Nərmin Əliyeva, Duygu Femi İskender, Dr. Fatih Bilici, Sinan Koç, Hasan Çevik, Nərmin Aşirova

III Panel: Maliyyə (Public finance), audit və vergi sahəsində baş verən yeniliklər – 1 | Moderator: Prof. Dr. Çağatan Taşkın; Spikerlər: Radil Fətullayev, Zeynep Temiz, Dr. Muhammed Çelik, Dr. Semih Şen, Prof. Dr. Çağatan Taşkın, İsmail Çakmak

IV Panel: Maliyyə (Public Finance), audit və vergi sahəsində baş verən yeniliklər – 2 | Moderator: Mehdi Babayev; Spikerlər: Əhməd Əhmədov, Mehdi Babayev, Şamxal Kərimov, Rüfət Əliyev

Simpoziumun yekununda İqtisadi Araşdırmalar və Tədris Mərkəzinin direktoru Radil Fətullayev Türkdilli Dövlətlərdən gələn qonaqları salamlayaraq, tədbirin keçirilməsində dəstək göstərən bütün tərəfdaş təşkilatçılara dərin minnətdarlığını bildirmişdir. O, həmçinin tədbirin çox zəngin proqramı olduğunu və iki gün ərzində 60-a yaxın spikerin məruzə və çıxışları ilə yadda qaldığını vurğulamışdır. Bu simpoziumun iştirakçı ölkələr arasında iqtisadi və elmi əlaqələrin dərinləşməsinə mühüm töhfə verdiyi qeyd edilmişdir.

Beynəlxalq simpoziumun başa çatmasından sonra, 14 noyabr 2025-ci il tarixində İqtisadi Araşdırmalar və Tədris Mərkəzinin rəhbəri Radil Fətullayev və Türkiyə nümayəndə heyəti – KGK-nın 2-ci sədri Hayrettin Kurt, KGK sədr müavini Murat Yünlü, KGK şöbə müdiri Mehmet Şirin, Bursa Uludağ Universitetinin dekan müavini Şükrü Dokur bir sıra rəsmi görüşlər keçirmişlər.

Bu görüşlər AR Auditorlar Palatası (Detallı linklərdə: 1.Link, 2.Link), Dövlət İmtahan Mərkəzi, KOBİA, MÜSİAD və ASK-nın ofislərində baş tutmuş və adı çəkilən qurumlar arasında gələcək əməkdaşlıq perspektivləri ətrafında səmərəli müzakirələr aparılmışdır:

Tədbir barədə daha ətraflı məlumat əldə etmək üçün aşağıdakı mənbələrə nəzər salmağı tövsiyə edirik.

➤ Bizimyol.info xəbər mənbəsi

➤ Sumqayıt Dövlət Universitetinin rəsmi açıqlaması

➤ Modern.az xəbər mənbəsi

➤ Turkic.world məlumat portalı

➤ Report.az xəbər mənbəsi

➤ AzerTac məlumat portalı

➤ AzTV rəsmi xəbər portalı

➤ TəhsilTV