Daxili audit nədir?
Daxili audit, daxili auditorlar tərəfindən həyata keçirilən təşkilatın fəaliyyətinin, proseslərinin, sistemlərinin müstəqil və obyektiv yoxlanılmasıdır. Onun əsas məqsədi təşkilatın rəhbərliyinə idarəetmə, risklərin idarə edilməsi və daxili nəzarət proseslərinin effektiv olması və nəzərdə tutulduğu kimi fəaliyyət göstərdiyinə əminlik verməkdir.
Məhz bu səbəbdən həm praktiki olması, həm də Azərbaycanda ilk dəfə keçirilməsi ilə seçilən təlim proqramı hazırladıq.
Təlim nələr əhatə edir?
1.5 ay davam edəcək bu təlimdə real iş təcrübəsində tətbiq olunan biliklərdən söhbət ediləcək. İştirakçılarda əsas olaraq aşağıdakı suallar üzrə biliklər formalaşdırılacaqdır:
- Daxili Audit nədir necə hayata keçirilir?
- Daxili Auditor olmaq üçün nə etmək və nələri bilmək lazımdır?
- Satınalma, Satış, İnsan Resursları və İstehsalat kimi biznes proseslərinin auditi necə aparılır?
Təlimdə kimlər iştirak etməlidir?
Bu təlim daxili audit prosesinin məhz praktiki tərəflərini əhatə etməklə aşağıdakı şəxslər üçün nəzərdə tutulmuşdur:
- Daxili auditorlar;
- Daxili nəzarətçilər;
- Təftişçilər;
- Daxili auditor olmaq istəyənlər;
- Bizneslərindəki riskləri və uyğunsuzluqları görmək istəyən idarəçilər;
- Daxili auditlə bağlı məlumat almaq istəyənlər.
Bəs Təlimçimiz kimdir?
Təlimçimiz Vüsal Əzimov "AZERSUN MMC"-də 10 ilə yaxın Daxili Audit üzrə bölmə rəhbəri olaraq çalışmış və daha sonra həmin şirkətin biznes proseslərinin idarə edilməsi və təkmilləşdirilməsi üzrə bölməsinin rəhbəri olmuşdur. O hal-hazırda “TƏMİZ ŞƏHƏR” ASC-də Daxili Audit rəhbəri kimi fəaliyyətini davam etdirir.
