Qeyri-maliyyəçilər üçün maliyyə təlimi maliyyə haqqında ən zəruri nəzəri və praktiki bilikləri əhatə edir. Təlimdə maliyyənin mahiyyəti ilə bağlı əsas anlayışlar, maliyyəçinin vəzifələri, maliyyə əməliyyatları və onların maliyyə bərabərliyində əksi kimi vacib mövzular nəzərdən keçirilir
Müəssisədə işçilərin gündəlik işləri ilə bağlı qərar verməsində (Müəssisədə işlərlə bağlı düzgün qərarvermə üçün) düzgün maliyyə məlumatı və maliyyə analizinə əsaslanmaq vacibdir. Bunun üçün müəssisədə işləyən hər kəsin maliyyə haqqında ilkin biliklərinin olmasına ehtiyac yaranır. Hər bir işçinin maliyyə üzrə müəyyən biliklərinin olması öz növbəsində şirkətin inkişafında mühim rol oynayır.
Həmçinin maliyyə hesabatı formaları və onların təhlili, xərclərin mahiyyəti, tərkibi, təsnifatı və analizi haqqında biliklər təlimdə əhatə olunur.
Təlim nəticəsində aşağıdakıları öyrənəcəksiniz:
- Müəssisədə maliyyə və mühasibatlığın rolu
- Maliyyə hesabatı formaları haqqında anlayışlar
- Əməliyyatların maliyyə bərabərliyinə və hesabatlara təsiri
- Maliyyə hesabatı formalarının təhlili
- Kapitalın paylanması
- Xərclərin təhlili və zərərsizlik nöqtəsi
- Pulun zaman dəyəri
- Qiymətli kağızlar bazarı
- Maliyyə planlaması və büdcənin hazırlanması
Maliyyə şöbəsində çalışmayan, lakin qərarvermə zamanı maliyyə hesabatlarını oxuyaraq təhlil etmək ehtiyacı olan rəhbərlər, istehsal üzrə menecerlər, təchizat və marketinq mütəxəssisləri, HR üzrə əməkdaşlar üçün bu təlim idealdır.
