İS üçün MUBS üzrə PMS ikinci mərhələyə hazırlığı əhatə edən bu təlim Vergi, Mülki, Əmək və Büdcə Qanunvericiliyinin birgə tədrisindən ibarətdir.
Təlim DİM proqramı əsasında iştirakçılara nəzəri və praktiki biliklərin çatdırılmasını özündə əks etdirir.
Təlim aşağıdakılardan ibarətdir:
- Təlim müddətində Vergi Qanunvericiliyi təlimi ərzində Vergi Məcəlləsinin ümumi müddəaları, vergi növləri və vergilərin ödənilməsinin ümumi qaydaları kimi əsas hissələr tədris olunaraq PMS ikinci mərhələyə effektiv hazırlığı təşkil edilir.
- Mülki Qanunvericilik təlimi Kiçik və Orta Sahibkarlıq subyektləri üçün Peşəkar Mühasib Sertifikatının əldə edilməsi üzrə imtahanın II mərhələsi üçün Mülki qanunvericilik üzrə əsas müddəalarının izahlı şəkildə çatdırılmasını, Mülki Qanunvericilik üzrə ortaya çıxa biləcək hər bir suala düzgün yanaşma metodologiyasının öyrədilməsini özündə əks etdirir.
- Əmək Qanunvericiliyi təlimi KOS-lar üçün Əmək Məcəlləsi və digər əlaqəli qanunvericilikdə nəzərdə tutulmuş mühasibatlıqla əlaqəli müddəalar tədrisi üçün nəzərdə tutulmuşdur. Əmək Məcəlləsinə giriş, əmək münasibətlərinin əsasları, əmək məcəlləsinin qüvvəsi və tətbiqinin əsasları, əmək haqqı kimi əsas hissələrin tədrisini əhatə edir.
- Büdcə Qanunvericiliyi təlimində İctimai sektorda (Büdcədən maliyyələşən təşkilatlarda) mühasibatlıq tərəfində aparılan gündəlik əməliyyatlarda tez-tez qarşılanan xərc maddəsi anlayışları, satın alınacaq malların, iş və xidmətlərin xərclərin iqtisadi təsnifatına uyğun olaraq doğru müəyyən edilərək (xərc maddələrinin təyin edilməsi) ödənişlərin həyata keçirilməsini, daha sonra isə düzgün hesablarda, yəni xərc maddələrinin iqtisadi təsnifatı ilə uzlaşan uçot hesablarında əks etdirməyi, xərclər smetasının mahiyyəti, formaları, o cümlədən büdcə proqnozlarının və onların hazırlanması qaydaları ilə bağlı vacib məsələlər nəzərdən keçirilir.
Əgər DİM proqramına uyğun şəkildə hazırlaşaraq İS üçün MUBS üzrə PMS ikinci mərhələ imtahanında uğurlu nəticə əldə etmək istəyirsənsə, Sən də təlimimizə qoşul!
